Башкы штаб курсант өзүн-өзү өлтүрүшү мүмкүн деген божомолду четке какпайт

Аскер институтунун курсанты эмне себептен каза тапканы дагы деле тактала элек. Башкы штаб учурда өзүн-өзү өлтүрүү аракети болушу мүмкүндүгүн да карап жатат. Бул тууралуу April.kg порталына Куралдуу күчтөрдүн Башкы штабынан билдиришти.

Курсантты бүгүн эртең менен өрт шатысынын жанынан эс-учун жоготуп жаткан абалында таап алышкан. Тез жардам кызматы келгиче, жигит үзүлүп кеткен. Курсанттын өрт шатысынын жанында эмне кылып жүргөнү белгисиз.

Учурда текшерүү жүрүп жатат. Жеринде Аскер прокуратурасынын кызматкерлери иш жүргүзүүдө.