Баткенде депутатка кол салуу болду. Ок чыгарган жаран изделүүдө

Баткен облусунун Лейлек районунда жергиликтүү кеңештин депутаты Кубаныч Баяновго карата ок атышты. Бул туурасында күч түзүмдөрүнөн билдиришти.

Маалыматка караганда, кол салуу 5-ноябрга караган түнү болгон. «Учурда жабырлануучу - ооруканада, абалы - туруктуу. Окуянын чоо-жайы иликтенип жатат», – дешти редакцияга. 

Бул факт боюнча Лейлек райондук ички иштер бөлүмү Жаңы-Жер айылдык кеңешинин депутатына ок атуу боюнча кылмыш ишин козгоду.