Бишкек шаарында дагы эки көчө убактылуу жабылды

Бишкекте дагы эки көчө ремонт иштерин жүргүзүү максатында жабылды. Бул тууралуу мэриянын маалымат кызматынан билдиришти.  

Маалыматка караганда, 15-июнга чейин Ч.Айтматов проспектиси Семетей көчөсүнөн Масалиевге чейин жабылат. 30-июлга чейин Достоевский көчөсү Анкарадан Толстойго чейин жабылат.  

Аталган көчө тилкелеринде жолдор калыбына келтирилип, тротуар жана аялдамалар жаңыланып, бордюр,  жол белгилер коюлат.