Бишкекте №216 маршруттук такси менен жеңил унаа кагышты

Бишкекте жүргүнчү ташыган унаа менен жеңил унаа кагышып, 4 адам жаракат алды. Бул тууралуу April.kg порталына Жол кыймылынын коопсуздугун камсыздоо башкы башкармалыгынан билдиришти.

Окуя бүгүн болжол менен 15:00дө «Чыгыш-5» кичирайонунда көпүрөнүн үстүндө болгон. «Жигули»  үлгүсүндөгү жеңил унаа менен №216 маршруттук такси кагышып, 4 адам жаракат алган. Жабырлануучулар ооруканага жаткырылды. Эки унаа тең айып короого токтотулуп, иштин материалдары Бишкек ШИИБине өткөрүлүп берилди.