Бишкекте асманга ок атып, бейбаштык кылган жаран кармалды

Шаардык милициянын ыкчам кызматы колуна тапанча кармап алып бейбаштык кылган жаранды кармашты. Бул тууралуу ШИИБден кабарлашты.

Кун мурун, 5-декабрда болжол менен саат 13:42 чамасында Бишкек ШИИБнин “102” кызматына коңгуроо чалышып, Ч. Айтматов жана Масалиев көчөлөрүнүн кесилишинде белгисиз айдоочу «Тойота» автоунаасын башкарып баратып, асманга ок чыгарганын билдиришкен.

Окуя болгон жерге тергөө-ыкчам тобу барган. Маалыматка караганда Масалиев көчөсүндө үлпөт тоюнда жүргөн автоунаалардын арасынан ак түстөгү «Тойота Камри» автоунаасын башкарган айдоочу белгисиз тапанчадан ок чыгарган.