Бишкекте Чүй проспектисинин тилкеси 15-июлга чейин жабылат

Оңдоо иштерине байланыштуу Чүй проспектисинин тилкеси жабылат. Бул туурасында мэриядан билдиришти.

Капиталдык курулуш башкармалыгынын маалыматына караганда, 9-июндан баштап Чүй проспектисинин Жаш Гвардия бульварынан Үмөталиев көчөсүнө чейинки бөлүгү унаа кыймылы үчүн жабылат.

Бул тилкеде оңдоо иштери үстүбүздөгү жылдын 15-июлуна чейин жүрүшү пландалууда.  

Бишкек мэриясы калаа тургундарына жолго чыгаарда аталган жол тилкесинин жабык экенин эске алып, башка жол тандоону сунуштайт.