Бишкекте эки унаа кагышып, алты жаштагы бала жабыркады

Бишкектин Садырбаев көчөсүндө эки унаа кагышты. Бул туурасында Бишкек шаардык ЖКККБдан билдиришти. 

Кырсык бүгүн, 12-октябрда болжол менен 13:30да болгон. «Toyota Camry» жана «Nissan» үлгүсүндөгү унаалар Садырбаев көчөсүндөгү №59 үйдүн каршысынан кагышкан. 

Жол кырсыгынан уч адам жабыркады, алардын бири 6 жаштагы бала. Алдын ала маалымат боюнча «Toyota Camry» унаасынын айдоочусу мас абалында болгон жана каршы жол тилкесине чыгып кеткен.  

Бала №3 балдар клиникалык ооруканасына жеткирилди, эки айдоочуну Бишкек травматология жана ортопедия илимий-изилдөө борборуна жеткиришти. Бардык материалдар тергөөгө жөнөтүлүп, унаалар айып короого токтотулду.