Бишкекте Манас проспектисинин тилкеси убактылуу жабылат

Оңдоо иштерине байланыштуу 10-майдан тартып, борбордогу Манас проспектисинин Чүй жана Жибек-Жолунун кесилишиндеги тилкеси убактылуу жабылат. Бул туурасында Капиталдык курулуш башкармалыгынан билдиришти. 

Аталган тилкеде жолдун үстү жаңыланып, жаңы бордюрлар коюлат. Ремонт иштери 15-июнга чейин жүрөт. 

Бишкек шаарынын мэриясы келтирилген ыңгайсыздыктар үчүн кечирим сурап, шаар коноктору менен тургундарын  жолго чыгаарда тилкенин унаа кыймылы үчүн жабыктыгын эске алуу менен маршрут түзүүгө чакырат.