Бишкекте Садырбаев көчөсү оңдоо иштерине жабылат

Бишкек шаарында Садырбаев көчөсүнүн тилкеси оңдоо иштери үчүн жабылат. Бул туурасында калаа мэриясынан билдиришти.

Мэрияга караштуу Капиталдык курулуш башкармалыгынын маалыматына караганда, 16-июндан баштап, Садырбаев (Баха) көчөсүнүн өйдөңкү бөлүгү, Семетей көчөсүнөн Масалиевге чейинки тилкеси оңдоо иштери үчүн жабылат.

Тилкеде жол төшөмү алмаштырылып, жол жээктер (бордюр-ред.) коюлат. Оңдоо иштери үстүбүздөгү жылдын 30-октябрына чейин жүрөт.