Бишкекте Тыныстанов көчөсүнүн тилкеси 30-августка дейре жабылат

Тыныстанов көчөсүнүн Чүй кең көчөсүнөн Фрунзеге чейинки тилкеси 11-майдан баштап жабылат. Бул туурасында Капиталдык курулуш башкармалыгынан билдиришти. 

Ал тилкеде жолдун үстү толугу менен алмашылып, тротуарлар, арыктар жана жол белгилер жаңыланат.

Оңдоо иштери 2018-жылдын 30-августуна чейин бүтүшү пландалууда.  

Бишкек мэриясы калаа тургундарын түшүнүү менен мамиле кылып, автотыгындарга кабылбоо үчүн башка көчөлөрдү тандоого чакырат.