Бишкектин Фрунзе көчөсүндө унаа кыймылы чектелет: газ өткөргүчтөр оңдолот

Бишкек шаарынын Фрунзе көчөсү убактылуу жабылат. Бул тууралуу«Газпром Кыргызстан» компаниясынан билдиришти.

Маалыматка караганда, калаанын Фрунзе көчөсүндө жайгашкан газ өткөргүчтөрдө капиталдык оңдоо иштери жүрөт. Мындан улам,, 7-сентябрдан 20-сентябрга чейин Фрунзе көчөсүнүн Т.Молдо көчөсүнөн баштап Исанов көчөсүнө чейинки бөлүгү убактылуу жабылат. 

Оңдоо иштери газ колдонуучуларды үзгүлтүксүз жаратылыш газы менен камсыз кылуу максатында жүргүзүлүүдө.