Бишкектин Садыгалиев көчөсү мыйзамсыз объектилерден арылтылды

Бишкектин Садыгалиев көчөсүндө  мыйзамсыз орнотулган объектилер алынды. Бул туурасында калаа мэриясынан билдиришти. 

Жерди пайдалануу жана курулуш башкармалыгынын маалыматы боюнча, муниципалдык аймакка 8 объект уруксаат берүүчү документтери жок орнотулган. 

Аталган кызматтын маалыматына караганда, Садыгалиев көчөсүндө 20 тонналык контейнер, металл кесүүчү 2 шайман, 2х3 өлчөмүндөгү металл күркө, узундугу 14 метрлик металл тосмо жана өлчөмү 3,5х2,52 болгон бастырма алынып салынды.

Ошондой эле, Патрис Лумумба көчөсүндөгү кампа жайы дагы жок кылынды.