Каракол зоопаркында ламанын баласы жарык дүйнөгө келди

Каракол шаарындагы зоопаркта ламанын баласы жарык дүйнөгө келди. Бул туурасында «Бугу-Эне» зоопаркынын жетекчиси Салтанат Сеитова April.kg  порталына билдирди.

Жекшемби күнү туулган ботого зоопарк кызматкерлери  Татьяна деген ат коюшту.  Ламалар Кыргызстанга 2009-2012 жылдары Алматыдан алынып келинген.

Анда алардын саны 2-3 гана болчу. Ал эми азыр аталган жаныбарлардын  эсеби эки эсе өскөн. 

Ламалар  балдарын курсагында  11,5 ай (350 күн)  көтөрөт.  Ургаачылар бир жашында эле жетилип, тукум берүүгө даяр болуп калат.