Коронавирус дагы 22 адамдан табылды. Илдетке кабылгандардын жалпы саны 612 кишиге жетти

Бүгүн, 22-апрелге карата республика боюнча тастыкталган СOVID-19 инфекциясынын жаңы 22 учуру  катталды. Жалпы илдетке кабылгандар 612 кишиге жетти. Бул тууралуу саламаттык сактоо министрлиги кабарлайт.

Бишкек ш. – 10

Чүй облусу – 2

Ош ш. – 4

  Ош облусу - 1

Жалал-Абад облусу - 4

Нарын облусу – 1

Коронавирус коркунучунан улам 25-марттан 15-апрелге чейин Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, Жалал-Абад облусунун Сузак районунун аймактарына өзгөчө абал киргизилген.

14-апрелде өзгөчө абалдын мөөнөтү 30-апрелге чейин узартылып, жогорудагы аймактардын катарына Нарын шаары жана Нарын облусунун Ат-Башы району да кошулду. Мындай жардыкты президент чыгарып, Жогорку Кеңеш колдоду.