Коронавирус инфекциясынан 25 бейтап айыкты

Өлкө боюнча стационарлардан жалпы 25 бейтап коронавирус инфекциясынан айыгып, үйүнө чыгарылды. Бул туурасында саламаттыкты сактоо министри Сабыржан Абдикаримов брифингде  билдирди.

“Бүгүн Жалал-Абад облустук ооруканадан дагы 10 бейтапты чыгаруу пландалууда”, -дейт Абдикаримов.

Белгилей кетсек, 8-апрелге карата өлкөдө  коронавируска кабылган  бейтаптардын жалпы саны 270 адамга жетти.

Өлкөдө  COVID-19 вирусунун жайылышынын алдын алуу максатында Коопсуздук кеңешинин чечими менен жалпы билим берүүчү мектептердин окуучулары 16-марттан баштап эс алууга таратылган. Республика боюнча 18-марттан тартып өзгөчө кырдаал, ал эми коронавирус катталган Бишкек, Ош, Жалал-Абад шаарларында жана Сузак, Ноокат, Кара-Суу райондорунда 25-марттан баштап өзгөчө абал киргизген.