КСДП фракциясы премьерликке Мухаммедкалый Абылгазиевдин талапкерлигин колдоду

КСДП фракциясы өкмөт башчы кызматына Мухаммедкалый Абылгазиевдин талапкерлигин бир добуштан колдоду. Бул туурасында кабарчыларга фракция лидери Иса Өмүркулов билдирди.

Мухаммедкалый Абулгазиев учурда президент аппаратынын жетекчиси кызматын ээлейт. 

Ошондой эле, бүгүн көпчүлүк коалиция премьер-министрли кызматка талапкерди көрсөтүү үчүн отурумга чогулат. Эртең ЖК кезексиз жыйынга чогулуп, добуш беришет. Иса Өмүркуловдун айтымында, өкмөт курамы өзгөрбөйт. 

Эскерте кетсек, бүгүн эл өкүлдөрү премьер-министр Сапар Исаковго ишенбөөчүлүк көрсөтүшкөн.