Мамлекеттик телеканалда жетекчи алмашты. Эми "ЭлТРди" жаңы директор башкарат

Мусаев Айбек Ырсалиевич берген арызына ылайык Кыргыз Республикасынын Мамлекеттик телерадиоберүү компаниясынын башкы директору кызматынан бошотулду. 

Белгилей кетсек, ал аталган телеканалды 2016-жылдан бери жетектеген. Ага чейин өкмөттүн басма-сөз кызматында эмгектенген.

Тиешелүү буйрукка Кыргыз Республикасынын Премьер-министри Мухаммедкалый Абылгазиев кол койду.

Ал эми бошогон орунга премьер-министр Мухаммедкалый Абылгазиев 41-жаштагы Керимбек Калыкуловду Кыргыз Республикасынын Мамлекеттик телерадиоберүү компаниясынын башкы директор кылып дайындады.  

Кошумчалай кетсек, Калыкулов Керимбек Акматалиевич 1981-жылы туулган. Жогорку билимдүү. Ош мамлекеттик университетинин филология факультетин аяктаган. 

• «Ош шамы» гезитинин башкы редактору;
• Ош мамлекеттик университетинин басма сөз кызматынын жетекчиси;
• Ош мамлекеттик университетинин кыргыз филологиясы факультетинин кыргыз адабияты кафедрасынын окутуучусу;
• Ош мамлекеттик университетинин «Үмүт» телестудиясынын директору;
• «Эркин Тоо» өкмөттүк гезитинин башкы редакторунун Ош облусундагы орун басары;
• Ош шаардык мэриясынын коомчулук менен байланыш кызматынын жетекчиси кызматтарында иштеген. 

2014-жылдын июлунан бери Калыкулов Керимбек «Телеканал ОшТВ» ЖЧКсынын башкы директору болуп иштеп келген.