Нооруз майрамынан кийин аянттан 11 тонна таштанды чыгарылды

Нооруз майрамынан соң Ала-Тоо аянтынан 11 тонна таштанды чыгарылды. Бул тууралуу  Бишкек мэриясынын маалымат кызматынан билдиришти.

Шаарды тазалоого 14 атайын техника тартылган. Алардын 8и таштанды тазалоочу унаа, 2 универсалдуу (чаң соруучу) машина, 1 «Беларусь» трактору жана 3 суу чачып- жуучу унаалар.  Жумушчулардан 60 жүктөгүч жана көчө тазалагыч үзгүлтүксүз нөөмөттө турушту.

Аянтка жалпысынан 26 таштанды челектери коюлган. Таң эрте башталган тазалоо иштери түн ортосунда аяктады.