Оор кылмышка шектелип издөөдө жүргөн кыргыз жараны Хакасиядан кармалды

 Хакасияда оор кылмышка шектелип издөөдө жүргөн кыргызстандык жаран кармалды. Бул тууралуу Орусиялык ЖМК жазып чыкты.

Маалыматка караганда, кармалган жаран адам өлтүрүүгө шектелип жатат. Текшерүү жүргүзүлгөн соң аны Кыргызстанга өткөрүп беришет.

26 жаштагы кыргызстандык өз мекенинен жердешинин ден соолугуна оор жаракат келтирген, кесепетинен жабырлануучу каза болуп калган. Качып жүргөн кылмышка шектүү тергөө абагында кармалууда.