Ош облусунда эртең менен жер титирөө катталды

Ош облусунда жер титирөө катталды. Бул туурасында ӨКМдин маалымат кызматынан билдиришти.  

Кыргыз Республикасынын Улуттук илимдер академиясынын Сейсмология институтунун маалыматы боюнча, 2018-жылдын 14-август күнү саат 07:01де Ош облусунун аймагында очогунда күчү 3 баллга жеткен жер титирөө катталган. 

Жер титирөө Алай районунун Сары-Таш айылында 3 баллга, Ак-Босого, Кара-Киндик айылдарында 2,5 баллга чейин сезилген. Такталган маалымат боюнча, жер титирөөдөн жабыркагандар жана кыйроолор катталган жок.