Ош шаарындагы музыкалык окуу жайдан чыккан өрттөн аспаптар күйүп кетти

Ош шаарындагы музыкалык окуу жайдын имаратында өрт чыкты. Бул тууралуу Өзгөчө кырдаалдар министрлигинин маалымат кызматынан билдиришти.

Бүгүн, 16-октябрда саат 01:00 чамасында Ош шаарынын Ленин көчөсү №198 дарегиндеги Ниязаалы Борошев атындагы музыкалык окуу жайдын имаратында өрт чыккандыгы тууралуу маалымат түшкөн.

Өрттү өчүрүүгө саат жалпы 3 бөлүм тартылган. Өрт саат 01:29да чектөөгө алынып, саат 02:42де толук өчүрүлгөн.

Өрттүн кесепетинен имараттын болжол менен 80 чарчы метр аянты, музыкалык аспаптар, отургучтар жана курулуш материалдары күйгөн.

Өрттүн кетип чыгуу себеби такталууда.