Парламентке Индира Жолдубаеваны башкы прокурор кызматынан бошотуу сунуштамасы киргизилди

Президент Сооронбай Жээнбеков парламентке Индира Жолдубаеваны Башкы прокурор кызматынан бошотуу сунуштамасын киргизди.  Мамлекет башчынын сунуштамасын алгач конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитети карап чыгат. 

Комитет мүчөлөрүн сунуштама менен Президент Аппаратынын жетекчиси Мухамедкалый Абылгазиев тааныштырмакчы. Бул туурасында комитеттен билдиришти.

Эскерте кетсек, «Ата Мекен» жана  «Республика — Ата Журт» фракциялары Башкы прокурордун 2017-жылдагы ишмердүүлүгүн “ канааттандыраарлык эмес”  деп тапкан.