Шашылыш билдирүү. ӨКМ карга айланчу жаан, катуу шамал тууралуу эскертет

Кыргызстандын Өзгөчө кырдаалдар министрлиги шашылыш билдирүү таратты. Ага караганда, 2018-жылдын 12-13-августтарда көпчүлүк аймактарда мезгил-мезгили менен жаан жаап, күн күркүрөшү, тоолуу райондордо жайгашкан жайлоолордо жаан карга айланышы, кээ бир райондордо жаан-чачын катуу жаашы күтүлөт.

Батыштан соккон шамалдын ылдамдыгы секундасына 4-9 метрден, 18-23 метрге жетиши мүмкүн.12-августта күндүз жана 13-августта абанын температурасынын төмөндөшү күтүлөт.

Мындай туруксуз аба ырайы автоунаа, энергетика жана коммуналдык кызматтардын ишин жана жайлоолордо малды кармоону кыйындатат.