ТИМ кыргызстандыктардан футбол чемпионаты учурунда Россияга барбай турууну өтүнөт

«Россиядагы ФИФА-2018 Дүйнөлүк футбол чемпионатын» өткөрүүгө даярдык көрүүнүн алкагында РФ аймагында коопсуздук чараларынын күчөгөндүгүнө байланыштуу Кыргызстандын Тышкы иштер министрлиги кыргыз жарандарынан зарылдык болбосо Россиянын чемпионат өтүүчү шаарларына баруудан карманып турууну сунуштайт.

Чемпионат төмөнкү шаарларда өтөт: Москва, Санкт-Петербург, Казань, Волгоград, Екатеринбург, Калининград, Ростов-на-Дону, Нижний Новгород, Самара, Саранск, Сочи.

2018-жылдын 25-майынан 25-июлуна чейин чет өлкөлүк жарандарды келген жери же жашаган дареги боюнча эсепке алуу жана каттоо жогорудагы шаарларда бир сутка (күн) ичинде жүргүзүлөт.

Россияда өтө турган футбол боюнча Дүйнөлүк чемпионат учурунда Кыргыз Республикасынын жарандарына укуктук жана консультативдик жардам көрсөтүү үчүн Кыргыз Республикасынын Россия Федерациясындагы элчилиги уюштурган “ыкчам байланыш” телефондорунун номерлери:

Кыргыз Республикасыныны Россия Федерациясындагы элчилигинин

«ыкчам байланыш» телефондору:

+7 (925) 864-47-26,

+7 (925) 864-47-11

Кыргыз Республикасынын Өкмөтүнүн алдындагы Мамлекеттик Миграция кызматынын Россиядагы Өкүлчүлүгүнүн «ыкчам байланыш» телефондору:

+7 (925) 291-72-72

+7 (495) 780-74-10

Кыргыз Республикасынын Россия Федерациясындагы Ички иштер министрлигинин Өкүлчүлүгүнүн «ыкчам байланыш» телефондору:

+7 (926) 890-87-00

Москва шаарындагы коомдук уюмдардын телефондору:

+7 (925) 703-82-61

+7 (926) 528-33-99