Токтогул районунун Чоң-Арык айылынын дайынсыз жоголгон тургуну изделүүдө

Токтогулда дайынсыз кеткен  21 жаштагы Чоң-Арык айылынын тургуну изделүүдө. Бул туурасында ӨКМден билдиришти.

Кетмен-Төбө айыл аймагындагы Чоң-Арык айылынын тургуну 1997-жылы туулган Табылды уулу А. үйүнөн чыгып кеткен боюнча дайынсыз жоголгон. Окуя 11-апрелде болгон. Бир жумадан бери үйүнө келбеген жигиттин жакындары 18-апрелде  арыз менен укук коргоо органдарына кайрылышты. 

Учурда издөө иштерине ӨКМден 11 куткаруучу, РИИБден 25 кызматкер, суу чарба башкармалыгынан 10 кызматкер, РЭТ мекемесинен 6 кызматкер жана жергиликтүү тургундардан 70 адам, жалпы 122 адам тартылды.