Жогорку Кеңеште Кытай туристтерине визасыз режим киргизүү сунушу көтөрүлдү

Жогорку Кеңештин отурумунда «Республика – Ата Журт» фракциясынан депутат Махабат Мавлянова Кытай туристтерине визасыз режим киргизүүнү сунуштады.

Анын айтымында, Кытайлык туристтер көп мамлекеттерге киреше алып келет.

«Кыргызстанда чоң миграция байкалууда, анткени мамлекет калкты жумуш менен камсыздай албай жатат. Биз баарыбыз эле туристтик потенцалыбыз жакшы экенин билебиз. Россия менен Казакстан көп жылдардан бери кытайлык туристтерге визасыз кирүүгө жол ачып берип койгон. Биз эмнеге мындай мүмкүнчүлүктү колдонбой жатабыз?» – деди депутат.