ӨКМ: Филармонияда чыккан өрт чектөөгө алынды

Чүй проспектисинде жайгашкан Т.Сатылганов атындагы филармониядан чыккан өрт саат 14:00дө чектөөгө алынды. Бул туурасында ӨКМден билдиришти.

Өрттү өчүрүүгө жалпысынан 11 өрт өчүрүүчү бөлүм, ИИМден 25 кызматкер, тез жардам кызматынан 1 бригада жана «Тазалык» ишканасынан 1 суу ташыгыч тартылган. 

Бактыга жараша жабыркагандар жок. Өрттүн келип чыгуу себеби такталууда.