Өзгөндө үй тиричилик техникаларын саткан дүкөндүн кампасы өрттөндү

© КР ӨКМ

Өзгөн шаарында үй тиричилик техникаларын саткан дүкөндүн кампасы өрттөндү. Бул тууралуу ӨКМдин маалымат кызматынан билдиришти. 

Кырсык 2018-жылдын 23-сентябрь күнү саат 11:42 чамаларында болгон. Ош облусунун Өзгөн районунун Өзгөн шаарынын Манас көчөсүндө жайгашкан «Үй тиричилик техникалары» дүкөнүнүн кампасындагы 20 даана муздаткыч жана кир жуугуч машиналар күйгөн.

Өрттү өчүрүүгө 3 өрт өчүрүүчү бөлүм тартылып, өрт саат 13:11де чектөөгө алынып, 14:00дө толугу менен өчүрүлгөн. Өрттүн келип чыгуу себеби такталууда.