Баткен облусунда суу аккан каналга эки кыз түшүп кетип, бирөөсү каза тапты

Баткен облусунда суу аккан каналга эки кыз түшүп кетип, бирөөсү каза тапты. Бул тууралуу ӨКМден билдиришти.

Маалыматка караганда, Кадамжай районуна караштуу Бак айылындагы Лаган каналына кечээ, 6-августта 2 кыз түшүп кеткендиги тууралуу маалымат түшкөн.

Бирөөсүн жергиликтүү тургундар куткарып калышкан, ал эми экинчисин издөөгө саат 17:38де Кадамжай райондук №75 ӨКБдан 8 куткаруучу тартылып, саат 18:14тө жергиликтүү тургундар кыздын жансыз денесин суудан чыгарышып, туугандарына өткөрүп беришкен.