Бишкек-Нарын-Торугарт жолу 8-июнга чейин жабылат

4-8-июнь күндөрү Бишкек — Нарын — Торугарт унаа жолунда таш кулатуу иштери жүргөнүнө байланыштуу, жол  маал-маалы менен жабылып турат. Бул тууралуу «Кыргыз темир жолу» мекемесинин басма сөз кызматы билдирди.

Маалыматка караганда, таштарды кулатуу Боом капчыгайынын 122-чакырымында жүрөт.

Мындан улам, жол кыймылы саат 9дан 15:00гө чейин чектелет. Кезекке туруп калган унаалардын саны 40ка жетсе таштарды кулатуу иштери токтотулуп, унааларга жол берилмекчи.