Бишкекте Тыныстанов көчөсүнүн оңдолгон тилкеси унаа кыймылы үчүн ачылды

© Бишкек мэриясы

Бишкекте Тыныстанов көчөсү унаа кыймылы үчүн ачылды. Бул туурасында шаардык мэриянын алдындагы Капиталдык курулуш башкармалыгынан билдиришти.

Тыныстанов көчөсүнүн Чүй проспектисинен  Жумабекке чейинки бөлүгү бир ай бою оңдоп-түзөөдөн өтүп, жол төшөмү алмаштырылып, бордюрлар коюлуп, арыктар жаңыланып, тротураларга таманташ (брусчатка - ред.) төшөлүп, жол белгилер салынган.

Жалпысынан Тыныстанов көчөсүн оңдоо Түгөлбай Ата (Линейная) көчөсүнөн Жибек Жолу проспектисине чейин жүрдү.