Бишкектеги №23565 аскер бөлүгүндө чуркоо сынагы учурунда аскер кызматкери каза тапты

Бишкектеги Абадан коргонуу күчтөрүнүн №23565 аскер бөлүгүндө аскер кызматкери каза тапты, деп тастыкташты April.kg порталына Куралдуу күчтөрдүн Башкы штабынан. 

Маалыматка караганда, 30 жаштагы прапорщик аскер бөлүктө 2015-жылдан бери иштеп келген.

«Бизде аскер кызматкерлери ай сайын, жарым жыл сайын, анан бир жылда бир чуркоо боюнча сынак тапшырып турушат. Мурунку зачетторду прапорщик ийгиликтүү тапшырып жүрчү. Бул жолу 3 чакырымга чуркоо сынагы учурунда эс-учун жоготуп, кулап калды», - дешет Башкы штабдан.

Прапорщик ооруканага алып бараткан жолдо үзүлүп кеткен.