Мэрия каалоочуларды шахмат боюнча таймашка катышууга чакырат

Май ичи калаада шахмат сүйүүчүлөр ортосунда мелдеш өтөт. Бул туурасында Бишкек шаардык мэриясынын маалымат кызматы билдирет.

Таймаш ар жуманын бейшемби күндөрү саат 15:00дөн 18:00гө чейин Кыргыз улуттук академиялык опера жана балет театрынын жанындагы Т.Сатылганов гүлзарында өтмөкчү. 

Демилге Свердлов райондук администрациясы тарабынан көтөрүлүп, мелдешке бардык каалоочулар чакырылат: балдардан баштап, чоңдорго чейин. Айдын акыркы күнү, 31- майда жеңүүчүлөр аныкталат.