Бишкекте өткөрмө кагазы менен такси кызматын көрсөткөн учур катталды

Бишкек комендатурасы өткөрмө кагазын такси кызматын көрсөтүү үчүн алган учурду аныкташкан. Жүрүугө уруксат кагазын алган айдоочу калаага азык-түлүк ташыганга ылайык документтерди топтогону айтылат.

«Өткөрмө кагазды алгандан кийин такси кызматында иштеген. Уруксат кагазды өз кызыкчылыгы үчүн пайдаланып жүргөндөр мыйзам чегинде жазага тартылат», — дешти комендатурадан.

Эске салсак, 25-марттан тартып Бишкек шаарында өзгөчө абал жарыяланган жана кечки 8ден таңкы 7ге чейин коменданттык саат күчүндө болот. Кундүз шаар ичиндеги кыймылга чектөө коюлган-азык-түлүк дүкөн/базарларга, дарыкана жана медицина жайларына эле барууга мүмкүн. Ошондой эле маршруттук баракча жана өздүгүн тактаган документ болушу шарт. Ал эми унаалар үчүн атайын өткөрмө кагаз болушу керек.