Кыргызстанда быйыл аялдарга Меккеге жалгыз барууга уруксаат берилди

Кыргызстанда быйыл аялдарга Меккеге ажылыкка жалгыз барууга уруксаат берилди. Бул туурасында April.kg порталына Мусулмандар диний башкармалыгынын маалымат катчысы Максат Атабаев билдирди. 

" Жалгыз барууга уруксаат ушул  жылы гана берилет.  Бара турган аял 55 жаштан жогору, баласы, күйөөсү жок болушу шарт.  Каалоочулардан  документтер алынып бүттү. Анын жыйынтыгында, 20га жакыны тандалды", -деп билдирет  Максат Атабаев.

Ошондой эле, бул жылы Сауд Аравиясы Кыргызстанга 5 миң 485 орунга квота бергенин кошумчалады. Бул өткөн 2017-жылга салыштырмалуу 900 орунга көп. Былтыр ажылыкка барууга 4 миң 585 орун бөлүнгөн. 

Максат Атабаев бул жылы ажылык сапар июлдун аягында башталаарын жана Меккеге барып-келүү  2 миң 890 доллар тураарын кошумчалады.