Корей элине «Манас» эпосун өз тилинде окуу мүмкүнчүлүгү түзүлөт

Түштүк Кореяда «Манас» эпосуна арналган көргөзмө өтөт. Бул тууралуу Кыргыз Республикасынын Түштүк Кореядагы элчилигинен билдиришти.

Эртең, 7-сентябрь күнү саат 15:00дө Кванджу шаарында Азия маданияты борборунда «Манас» эпосуна арналган көргөзмөнүн расмий ачылышы болот. Анын жүрүшүндө корей тилинде басылып чыккан «Манас» эпосу көрсөтүлүп, «Манас» спектакли коюлат.

Иш-чарага Түштүк  Кореядагы Кыргыз элчилиги,  Жогорку Кеңештин, Улуттук илимдер академиясынын, Кыргыз улуттук көркөм сүрөт искусство музейинин, Улуттук китепкананын өкүлдөрү жана манасчы Рысбай Исаков катышат. Көргөзмө 7-сентябрдан 30-декабрга чейин созулат.