Мектеп бүтүрүүчүлөрүнө аттестат тапшырылуучу күн бекитилди

Билим берүү жана илим министрлиги өлкө мектептеринде бүтүрүү иш-чараларын өткөрүү күнүн бекитти. Ага ылайык, 9-класстын бүтүрүүчүлөрүнө аттестаттарды тапшыруу аземи 20-июнда саат 10.00дө өтөт. Бул туурасында аталган министрликтин маалымат кызматынан билдиришти.

Ал эми, 11-класстын бүтүрүүчүлөрүнө аттестат берүү 23-июнда саат 10:00дө башталат. Иш-чаралар мектеп аймагында гана болуусу тийиш деп жазылат билдирүүдө. Көңүл ачуучу жайларда же табигат койнунда иш-чараларды уюштурууга тыюу салынат.

Мектеп директорлоруна ата-энелер чогулушун өткөрүп, майрамдык иш-чараларды өткөрүүгө акча каражатын чогултууга чектөө салуу буйрулат. Ага ылайык, акча чогулткан класс жетекчилер, мугалимдер жана мектеп директору жумуштан алынууга чейинки жоопкерчиликке тартылат.