Аламүдүн районунда тоо боорунан 42 жаштагы адамдын сөөгү табылды

Аламүдүн районунда тоо боорунан 42 жаштагы адамдын сөөгү табылды. Бул туурасында Өзгөчө кырдаалдар министрлигинен билдиришти.

Маалыматка караганда, Көк-Жар айылынын Панорама тилкесинде тоонун боорунда М.Р.И аттуу эркек кишинин жансыз денеси жаткандыгы тууралуу маалымат «102»  кызматынан келип түшкөн. Жерине куткаруучулар тартылып, маркумдун сөөгүн түшүрүп, ИИМ кызматкерлерине өткөрүп беришти.