Алдыдагы 3 күн ичинде Бишкек мэринин кызмат орду бошоор-бошобосу белгилүү болот

Алдыдагы 3 күн ичинде Бишкек мэринин кызмат орду бошоор-бошобосу белгилүү болот. Бүгүн өкмөт аппаратына Бишкек шаардык кеңешинин мэр Албек Ибраимовго ишеним көрсөтпөө тууралуу чечими келип түштү.

Эми 3 күн ичинде премьер-министр шаардык кеңештин бул чечимине карата өз пикирин  билдириши керек. 

Эскерте кетсек, 13-июль күнү Бишкек шаардык кеңештин депутаттары чукул жыйынга чогулуп, көпчүлүк добуш менен Бишкек мэрине ишенбөөчүлүк көрсөтүшкөн. Мэр Албек Ибраимов өзү 10-июлдан тарта эмгек өргүүсүндө болгондуктан, жыйын тууралуу кеч уккан.