Бакиевдин мүлкүн сатуу иши боюнча Бакыт Мураталиев дагы камакка алынды

ИИМдин тергөө кызматы тарабынан Мамлекеттик мүлктү башкаруу фондунун төрагасынын орун басары Бакыт Мураталиев кармалды.

Ага  дагы 304-берене (кызмат абалынан кыянаттык менен пайдалануу) жана 307-берене (менчиктештирүү, салыктык, бажылык же лицензиялык-уруксаат берилген ишти жүзөгө ашырууда кызмат абалын мыйзамсыз пайдалануу) боюнча айып тагылууда.

12- апрелде Мураталиев убактылуу кармоочу жайга киргизилди. Учурда тергөө иши уланууда.

Ал эми, ушул эле иш боюнча кармалган Болсунбек Казаковду Биринчи май соту бир айга камакка алып, кошумча 303 - берене ( коррупция) боюнча айыптоодо.