Башкы прокуратура бир ай бою WhatsApp аркылуу суроолорго жооп берет

Башкы прокуратура бир ай бою WhatsApp аркылуу элдин суроосуна жооп берет. Бул тууралуу Башкы прокуратуранын маалымат кызматынан билдиришти.

Маалыматка караганда, башкы прокуратурада 25-июндан 25-июлга чейин «Укуктук колдоо» аттуу тынымсыз байланыш ишке кирет. Келип түшкөн суроолор Башкы прокуратуранын борбордук аппараты менен аймактагы органдарынын кызматкерлерине берилет.

«Укуктук колдоо» жарандардын суроолоруна ыкчам түрдө жооп берүүгө багытталган», — деп айтылат маалыматта.

Жарандар өз суроолорун +996 550 75 39 77 номери аркылуу WhatsApp менен жибере алышат.