Баткенде унаасы менен сууга түшүп кеткен жаран каза тапты

Баткенде 63 жаштагы жаран унаасы менен сууга түшүп кетип каза болду. Бул туурасында Өзгөчө кырдаалдар министрлигинен кабарлашты.

Маалыматка караганда,  «Фольксваген Гольф-2» үлгүсүндөгү унаанын А.У. аттуу айдоочусу 16-сентябрь күнү саат 11:13тө Баткен шаарынын Тамаша-Жай тилкесинде унааны башкара албай калып сайга түшүп кеткен.

Кырсыктын кесепетинен айдоочу окуя катталган жерде каза болгон. Министрликтин Баткен районундагы №3 өзүнчө издөө-куткаруу отрядынын куткаруучулары кырсык болгон жерге чакырылып, унааны суудан чыгарууга жардам беришкен.