Беш күн мурун Нарын суусуна чөгүп кеткен жаранды издөө иштери улантылууда

Беш күн мурун Нарын суусуна чөгүп кеткен жаранды издөө иштери улантылууда. Бул туурасында ӨКМдин маалымат кызматынан билдиришти. 

Бүгүн, 2018-жылдын 9-август күнү саат 08:00дө Нарын суусуна чөгүп кеткен жаранды издөө иштерин улантуу максатында КР ӨКМнин Республикалык өзүнчө куткаруу отрядынан 9 куткаруучу жана КР ӨКМнин Суучулдар кызматынан 3 суучул тартылган. Издөө иштери улантылууда.

Эскерте кетсек, Жалал-Абад облусунун Таш-Көмүр шаарында 2018-жылдын 4-август күнү саат 15:30 чамасында Нарын суусуна 1988-жылы туулган Б.З. аттуу эркек киши чөгүп кеткен. Ошол күндөн бери издөө иштери жүрүп жатканына карабай, денеси табыла элек.