Борбордогу жаңы конуштар убактылуу ичүүчү суусуз калат

Эртең 26-апрелде саат 9:00дөн 17:00гө чейин Бишкектин айрым райондорунда таза суу берүү токтотулат. Бул туурасында шаар мэриясы билдирди.  

Чектөө  «Башкара-Суу» суу топтомундагы оңдоо иштерине байланыштуу.  Ичүүчү суу эртең: «Орок», «Арча-Бешик», «Ак-Ордо», «Ак-Өргөө» (№40 квартал) конуштарында, Сарбан айылында, Жал, Жогорку  Орок, Төмөнкү Орок, Селекция, Жаңы селекция, Кашка-Баш, Калтар, №93, 79 орто мектептерде, №3,5 үй-бүлөлүк дарыгерлер тобунда жок болот.  

«Бишкексууканал» башкармалыгы калкты ичүүчү суу камдап алууга чакырат.