Боталиев көчөсү жаңылоо иштеринен кийин унаа кыймылы үчүн ачылды

Боталиев көчөсү жаңылоо иштеринен кийин унаа кыймылы үчүн ачылды. Бул туурасында Бишкек шаардык мэриясынан кабарлашты.

Боталиев (мурунку Щербаков) көчөсү оңдоп-түзөөдөн өтүп, колдонууга берилди. Бул көчөнүн Манастан Махантма Гандиге чейинки бөлүгүндө 3 айдан бери оңдоо иштери жүрдү.

Ал тилкеде тротуралар менен арыктар оңдолуп, жол төшөмү жаңыланып, жол чийиндери салынып, жаңы жол белгилери орнотулду.

Эскерте кетсек, өткөн жылы оңдоп-түзөө иштери Боталиев көчөсүнүн чыгыш бөлүгүндө - Манас-Элебесов көчөлөрүнүн ортосунда жүргөн.

Жалпысынан 3 чакырым 230 метрди түзгөн жолдо жаңылоо жүрдү.