Чүйдө колдонууга жарактуу курал-жарак катылган жер табылды

Чүй облусунун Озерное айылында курал-жарак катылган жер табылды, деп билдирет УКМК.

2018-жылдын 1-октябрында УКМК жүргүзгөн ыкчам-издөө иш чараларынын алкагында аталган айылда «Макаров» тапанчасы жана номерлери өчүрүлгөн «Иж» травматикалык тапанчасы, мылтык, ар кандай калибрдеги 77 ок жана желим октор табылды.

КР өкмөтүнө караштуу Мамлекеттик соттук-эксперттик кызматынын корутундусуна ылайык курал-жарак жана ок-дарылар жарактуу болуп чыкты.

Учурда чогулган материалдар процессуалдык чечим кабыл алуу максатында КР УКМК башкы тергөө башкармалыгына жиберилди.