Дарья Маслова бүгүн экинчи алтын медаль үчүн күч сынашат

Бүгүн, 28-августта Индонезияда өтүп жаткан Жайкы Азия оюндарында спорттун 29 түрү боюнча мелдештер уланып, 19 медалдар топтому ойнотулат. Кыргыздын спортчулары аралыкка чуркоо жана күрөш боюнча мелдештерге катышат. Бул туурасында Жаштар, дене тарбия жана спорт агенттигинен билдиришти.

Аралыкка чуркоо боюнча мелдеште  Дарья Маслова экинчи алтын медалды утуп алууга аракет жасайт. бул ирет ал 5 миң метр аралыктагы жарышка катышып, 14 спортчу менен күч сынашат. 

Эске салсак, буга чейин Дарья Маслова 10 миң метр аралыктагы жарышка катышып, алтын медалдын ээси болгон.