Камактагы Өмүрбек Текебаев абактан дарыланат

Камактагы экс-депутат Өмүрбек Текебаев түрмөдө дарыланат. Бул туурасында Жазаларды аткаруу мамлекеттик кызматынан билдиришти. 

Мындай чечим бүгүн дарыгерлердин кеңешмесинде кабыл алынган.  Текшерүүнүн корутундусу жана дарыгерлер дайындаган дарылоо боюнча Текебаев өзү кармалган №47 абакта дарыланат. Ал жакта мурунку эл өкулүн кошумча медициналык кароодон өткөрүүнү Жаза аткаруу мамлекеттик кызматы убадалайт.

Эскерте кетсек, буга чейин Өмүрбек Текебаев кардиологиялык борбордон текшерүүдөн өткөн.