Кыргызстан аркылуу КМШга баңгизатын ташыган чет элдик жаран кармалды

© УКМК КР

Кыргызстан аркылуу өткөн эл аралык баңги каналынын ишине бөгөт коюлду. Бул туурасында УКМКдан билдиришти.

Кечээ, 3-октябрь күнү ыкчам-иликтөө иш чараларынын жүрүшүндө Афганистанда өндүрүлгөн баңгизатын Кыргызстан аркылуу КМШ мамлекеттерине чыгарып турган эл аралык канал аныкталып, ишмердүүлүгүнө бөгөт коюлду.

Каналды уюштурган «Б.А.» аттуу чет элдик жаран 12 кг 810 г афган чаррасын алып өтүүгө аракет кылып, колго түштү. 

Бул факт боюнча 247-берене боюнча кылмыш иши козголду. Кармалган адам УКМКнын убактылуу кармоочу жайына киргизилди. Териштирүү иштери жүрүүдө.