Кытайда 18 адам шахтанын урандыларынын алдында калды

© CNN

Кытайдын чыгышында куткаруучулар шахта басып калган 18 адамды чыгарууга аракет кылып жатышат. Бул туурасында  Associated Press агенттиги билдирет.

Кырсык, 20-октябрь, ишемби күнү Кытайдын Шаньдун провинциясында болгон. Жардыруу иштеринен кийин  шахтанын үстү урап түшкөн.

Бул учурда шахтанын ичинде 334 адам бар болгон, алардын көпчүлүгү жер үстүнө аман-эсен чыгып кетүүгө үлгүргөн.

22-октябрь, саат 20:12де алынган маалыматка караганда, 3 адам каза тапкан.